അല്‍ മുക്താദിര്‍ ജ്വല്ലറിയെക്കുറിച്ചുള്ള കള്ള പ്രചാരണം:
നിയമനടപടി സ്വീകരിക്കുമെന്ന് സംഘടന
കരുനാഗപ്പള്ളി: ഗോള്‍ഡ് ആന്റ് ഡയമണ്ട് ജ്വല്ലറി മാനുഫാക്ച്ചറിംഗ് മര്‍ച്ചന്റ് അസോസിയേഷന്‍ അംഗത്തെക്കുറിച്ച് അസംബന്ധവും തെറ്റിദ്ധാരണാ ജനകവുമായ വാര്‍ത്തകള്‍ വരുന്നത് നിരാശാജനകമാണെന്ന് ജിഡിജെഎംഎംഎ സംസ്ഥാന കമ്മിറ്റി അറിയിച്ചു. പൊതുജനങ്ങള്‍ക്കിടയില്‍ അവമതിപ്പുണ്ടാക്കുന്ന ഇത്തരം നീക്കങ്ങള്‍ക്കെതിരെ നിയമനടപടി സ്വീകരിക്കുമെന്ന് വാര്‍ത്താക്കുറിപ്പില്‍ സംഘടനാ നേതാക്കള്‍ അറിയിച്ചു. സംഘടനയിലെ അംഗമായ അല്‍ മുക്താദിര്‍ ജ്വല്ലറിക്കെതിരെ ചിലര്‍ നടത്തുന്ന കുപ്രചാരണങ്ങള്‍ അവജഞയോടെ തള്ളിക്കളയണമെന്നും ഭാരവാഹികള്‍ ആവശ്യപ്പെട്ടു. ഇന്ത്യ ഗവണ്‍മെന്റ് നിഷ്‌കര്‍ഷിക്കുന്നതും അനുശാസിക്കുന്നതുമായ മാനദണ്ഡങ്ങള്‍ അനുസരിച്ചിട്ടുള്ള സ്വര്‍ണാഭരണങ്ങളാണ് അല്‍ മുക്താദിര്‍ ജ്വല്ലറിയില്‍ വില്‍പന നടത്തിവരുന്നത്. ഈ ആദരണങ്ങള്‍ക്കെല്ലാം ആജീവനാന്ത വാറണ്ടിയും നല്‍കുന്നുണ്ട്. കേന്ദ്ര സര്‍ക്കാരിന്റെ നിര്‍ദ്ദേശം പരിപൂര്‍ണമായും അംഗീകരിച്ച് 916, എച്ച് യുഐഡി, വിഐഎസ് ആഭരണങ്ങള്‍ മാത്രമാണ് അല്‍ മുക്താദിര്‍ ജ്വല്ലറി ഗ്രൂപ്പ് വിറ്റഴിച്ചുവരുന്നത്. പണിക്കൂലി സൗജന്യമെന്ന വിപ്ലവകരമായ ആശയം കേരളത്തില്‍ ആദ്യമായി കൊണ്ടുവന്ന് ഉപഭോക്താക്കള്‍ക്ക് ഏറെ ആശ്വാസവും സഹായവും നല്‍കിയ അല്‍ മുക്താദിര്‍ ജ്വല്ലറിയുടെ നിലപാടിനെ തുടക്കത്തിലേ എതിര്‍ത്ത ചില നിക്ഷിപ്ത താല്‍പര്യക്കാരാണ് ഈ ആരോപണത്തിന് പിന്നിലെന്ന് ഭാരവാഹികള്‍ അറിയിച്ചു.