കേന്ദ്ര സംസ്ഥാന സർക്കാരുകൾക്കുള്ള മറുപടിയാണ് പ്രിയങ്ക ഗാന്ധിയ്ക്കുള്ള വോട്ട് : ബെന്നി ബെഹന്നാൻ എം പി

.

വയനാട് : ഇന്ത്യയുടെ ജനാധിപത്യ മൂല്യവും രാജ്യത്തിൻ്റെ ആത്മാവായ ഭരണഘടനയുടെ അന്തസത്തയും കാത്തുസൂക്ഷിക്കാൻ പ്രിയങ്കാ ഗാന്ധിയുടെ സാന്നിധ്യം പാർലമെൻറിൽ അനിവാര്യമാണെന്നും കേന്ദ്ര സംസ്ഥാന സർക്കാരുകൾക്കുള്ള മറുപടിയായി ജനങ്ങൾ ഈ അവസരം വിനിയോഗിക്കണമെന്നും ബെന്നി ബഹന്നാൻ എം പി അഭിപ്രായപ്പെട്ടു. യുഡിഎഫ് മീനങ്ങാടി പഞ്ചായത്ത് കൺവെൻഷൻ ഉൽഘാടനം ചെയ്ത് സംസാരിക്കുകയായിരുന്നു അദ്ദേഹം .

പാലക്കാട്ടും ചേലക്കരയിലും മൽസരം നടക്കുമ്പോൾ അതിന് ഊർജ്ജം പകരുന്നതാണ് വയനാട്ടിലെ പ്രിയങ്കാ ഗാന്ധിയുടെ സ്ഥാനാർത്ഥിത്വം എന്നും അദ്ദേഹം അഭിപ്രായപ്പെട്ടു.
തെരഞ്ഞെ ടുപ്പ്പ്രചാരണം ആരംഭിക്കുന്നതിന് മുൻപേ വിജയം ഉറപ്പിച്ച സ്ഥാനാർത്ഥിയായി പ്രിയങ്ക ഗാന്ധി മാറിക്കഴിഞ്ഞു . അതിൻ്റെ തെളിവായി പത്രികാ സമർപ്പണത്തിന് പ്രിയങ്കാ ഗാന്ധിക്ക് ആശീർവാദവുമായി തടിച്ച് കൂടിയ പതിനായിരങ്ങൾ . ഇനി വയനാട്ടുകാരുടെ ഉത്തരവാദിത്വം രാജ്യത്ത് തന്നെ ഏറ്റവുമധികം ഭൂരിപക്ഷത്തോടെ പാർലമെൻ്റിലേക്ക് പ്രിയങ്ക ഗാന്ധിയെ അയക്കുന്നതാണെന്നും അദ്ദേഹം പറഞ്ഞു.ജില്ലയിൽ പ്രിയങ്കാ ഗാന്ധിയുടെ പ്രചരണം 28-ാം തിയ്യതി10 മണിയ്ക്ക്
മീനങ്ങാടിയിൽ നിന്ന് ആരംഭിക്കും.

പ്രചരണത്തുടക്കം വൻ വിജയമാക്കി മാറ്റണമെന്ന് തിരഞ്ഞെടുപ്പ് ബത്തേരി നിയോജക മണ്ഡലം ചുമതലയുള്ള ഡീൻ കുര്യാക്കോസ് എം പി പറഞ്ഞു. വീട് കയറിയുള്ള പ്രചാരണങ്ങൾക്കും ഇന്ന് (26/10 ) തുടക്കമാകും. യുഡിഎഫ് പഞ്ചായത്ത് കമ്മിറ്റി ചെയർമാൻ മനോജ് ചന്ദനക്കാവ്, അധ്യക്ഷത വഹിച്ചു. ഐ സി ബാലകൃഷ്ണൻ എം എൽ എ ,ടി മുഹമ്മദ്, എൻ എസ് നുസൂർ, ഡി പി രാജശേഖരൻ, അബ്ദുള്ള മാടക്കര, കെ ഈ വിനയൻ, എം എ അയൂബ് , വി എം വിശ്വനാഥൻ, കെ ജയപ്രകാശ്, കെ ആർ ഭാസ്ക്കരൻ,പി പി പൈലി, ടി കെ തോമസ് ,കെ ഷമീർ,പി കെ നൗഷാദ്, കെ പി നുസ്രത്ത് തുടങ്ങിയവർ സംസാരിച്ചു.തെരഞ്ഞെടുപ്പ് കമ്മിറ്റി ഭാരവാഹികളായി ടി എം ഹയറുദ്ദീൻ (ചെയർമാൻ),മനോജ് ചന്ദനക്കാവ് (ജനറൽ കൺവീനർ), വി എം വിശ്വനാഥൻ (ട്രഷറർ) എന്നിവരെ യോഗം തെരഞ്ഞെടുത്തു