കോഴിക്കോട് ഓട്ടോ ഡ്രൈവറെ വെട്ടി കൊലപ്പെടുത്തി

കോഴിക്കോട് : വെള്ളയിൽ പണിക്കർ റോഡിനടുത്ത് ഓട്ടോ ഡ്രൈവറെ വെട്ടിക്കൊലപ്പെടുത്തി. പണിക്കർ റോഡ് സ്വദേശി ശ്രീകാന്ത് ആണ് കൊല്ലപെട്ടത്. ഇന്ന് പുലർച്ചെ 5.45 ഓടെയായിരുന്നു സംഭവം. അക്രമികൾ ഓടിപ്പോവുന്നത് ഒരാൾ കണ്ടെങ്കിലും വ്യക്തമായില്ല. കൂടുതൽ ആളുകളെത്തുമ്പോഴേക്കും ഓട്ടോ ഡ്രൈവർ മരണപെട്ടിരുന്നു. കഴുത്തിന് പിന്നിലും കൈയ്ക്കും വേട്ടേറ്റിട്ടുണ്ട്. റോഡിൻ്റെ ഒരു ഭാഗത്ത് നിന്ന് വെട്ടേറ്റ ശ്രീകാന്ത് പ്രാണരക്ഷാർത്ഥം ഓടി മറുഭാഗത്താണ് വീണത്. ഇവിടെ രക്തം തളം കെട്ടിക്കിടപ്പുണ്ടായിരുന്നു. മരിച്ച ശ്രീകാന്തും സുഹൃത്തും ഓട്ടോയിൽ മദ്യപിക്കുമ്പോഴാണ് സംഭവം. സുഹൃത്ത് മദ്യപിച്ച് അബോധാവസ്ഥയിൽ ഓട്ടോയിലുണ്ടായിരുന്നു. ഇയാളെ പിന്നീട് പൊലീസെത്തി ആശുപത്രിയിലേക്ക് മാറ്റി. മരണപെട്ട ശ്രീകാന്തിൻ്റെ കാറ് കഴിഞ്ഞ ദിവസം കത്തിക്കപ്പെട്ടിരുന്നു. കത്തിയ കാറിന് സമീപത്ത് വെച്ചാണ് ഇയാൾക്ക് വെട്ടേറ്റതും. വെള്ളയിൽ, നടക്കാവ് പൊലീസ് സ്ഥലത്തെത്തി. ഇൻക്വസ്റ്റ് നടപടികൾ പൂർത്തീകരിച്ച ശേഷം മൃതദേഹം മെഡിക്കൽ കോളേജിലേക്ക് മാറ്റി.