ഡ്രൈവിംഗിനിടയിലെ മൊബൈല്‍ ഉപയോഗം: 500 മുതല്‍ 900 റിയാല്‍ വരെ

റിയാദ്: സൗദിയില്‍ ഡ്രൈവിംഗിനിടയിലെ മൊബൈല്‍ ഉപയോഗത്തിന് 900 റിയാല്‍ വരെയാണ് പിഴയെന്ന് ഓര്‍മപ്പെടുത്തി ട്രാഫിക് വകുപ്പ്. ഔദ്യോഗിക എക്‌സ് അകൗണ്ടിലാണ് വിവിധ പിഴകള്‍ സംബന്ധിച്ച അറിയിപ്പ് ഓര്‍മപ്പെടുത്തലായി പോസ്റ്റ് ചെയ്തിരിക്കുന്നത്. ഡ്രൈവിങ്ങിനിടയിലെ മൊബൈല്‍ ഉപയോഗത്തിന് ഏറ്റവും കുറഞ്ഞ പിഴ 500 റിയാലാണ്. അത് 900 റിയാല്‍ വരെ ഉയരാം. 500 റിയാല്‍ മുതല്‍ 900 റിയാല്‍ വരെ പിഴ ചുമത്തുന്ന മറ്റ് ചില ഗതാഗത നിയമലംഘനങ്ങളെ കുറിച്ച് കൂടി മുന്നറിയിപ്പില്‍ വിശദീകരിക്കുന്നുണ്ട്.