മോദി കി ഗാരണ്ടി പൊളിയുന്നു

ന്യൂഡല്‍ഹി: പ്രതിപക്ഷത്തില്‍ നിന്ന് കാര്യമായ വെല്ലുവിളിയുണ്ടാകില്ലെന്നു ഉറപ്പിച്ച് ലോക്‌സഭ തെരഞ്ഞെടുപ്പിനെ നേരിട്ട എന്‍.ഡി.എ പതറുന്നു. വോട്ടെണ്ണല്‍ മൂന്നുമണിക്കൂര്‍ പിന്നിട്ടപ്പോള്‍ എന്‍.ഡി.എയെ വിറപ്പിച്ച് ഇഞ്ചോടിഞ്ച് പോരാട്ടമാണ് ഇന്‍ഡ്യ സഖ്യം കാഴ്ചവെക്കുന്നത്. ഒരുഘട്ടത്തില്‍ ഇരുകൂട്ടരുടേയും സീറ്റ് നില ഒപ്പത്തിനൊപ്പം എത്തിയിരുന്നു.

ഒരുവേളയില്‍ ഇന്ത്യാ സഖ്യം മുന്നിലെത്തുക പോലുമുണ്ടായി. പിന്നീട് എന്‍.ഡി.എ ലീഡ് നില മെച്ചപ്പെടുത്തി 300 കടന്നു. എന്നാല്‍ വീണ്ടും എന്‍.ഡി.എയും ലീഡ് നില 265 സീറ്റുകളിലൊതുങ്ങിയിരിക്കുകയാണ്. ഇന്ത്യാ സഖ്യം മുന്നേറുന്നു.