രാഹുലിനായ് ആവേശം തീർത്ത് രമേഷ് പിഷാരടി

പാലക്കാട്‌ :യുഡിഎഫ് സ്ഥാനാർഥി രാഹുൽ മാങ്കൂട്ടത്തിന്റെ കൊട്ടിക്കലാശത്തിൽ ആവേശം തീർത്ത് രമേഷ് പിഷാരടി. നൂറുകണക്കിന് ഇരുചക്രവാഹനങ്ങളിൽ പ്രവർത്തകരുടെ അകമ്പടിയോടെ നടത്തിയ കൂറ്റൻ റോഡ് ഷോയിൽ തുറന്ന വാഹനത്തിൽ രാഹുലിനൊപ്പം രമേഷ് പിഷാരടിയും യുഡിഎഫിനായി വോട്ട് തേടി.
'ഷാഫിയെ പോലെ പാലക്കാട്ടുകാരെ സ്നേഹിക്കുന്നയാൾ തന്നെ ഇവിടെ വേണം അതിന് ഏറ്റവും യോജ്യൻ രാഹുൽ മാങ്കൂട്ടത്തിൽ ആണ്. പാലക്കാട്ടുകാരൻ കൂടിയായ തന്റെ ആഗ്രഹവും അത് തന്നെയാണെന്നും' പിഷാരടി പറഞ്ഞു. രാജ്യത്തിന്റെ ഡിഎൻഎയുടെ ഭാഗമായ പാർട്ടിക്കൊപ്പം നിൽക്കുന്നത് തന്നെ എന്നും സന്തോഷമുള്ള കാര്യമാണെന്നും അദ്ദേഹം കൂട്ടിച്ചേർത്തു.