സബര്‍ബന്‍ റെയില്‍വേ പദ്ധതി: മരം മുറിക്കുന്നത് സ്റ്റേ ചെയ്ത് കര്‍ണ്ണാടക ഹൈക്കോടതി

ബംഗളൂരു: ബെന്നിഗനഹള്ളി, ചിക്കബാനവര റെയില്‍വേ സ്റ്റേഷനുകള്‍ക്കിടയിലുള്ള സബര്‍ബന്‍ റെയില്‍വേ പദ്ധതിക്കായി 700 മരങ്ങള്‍ മുറിക്കുന്നത് സ്റ്റേ ചെയ്ത് കര്‍ണാടക ഹൈകോടതി. ജൂലൈ 12 വരെയാണ് സ്റ്റേ. ചീഫ് ജസ്റ്റിസ് എന്‍.വി അഞ്ജാരിയയും ജസ്റ്റിസ് കെ.വി. അരവിന്ദും അടങ്ങുന്ന ഡിവിഷന്‍ ബെഞ്ചാണ് കേസ് പരിഗണിച്ചത്.

ഇടക്കാല അപേക്ഷയിലൂടെയാണ് പൊതുതാല്‍പര്യ ഹരജി വഴിവിഷയം ഉന്നയിച്ചത്. 699 മരങ്ങള്‍ മുറിക്കാനും 89 എണ്ണം മാറ്റാനും റെയില്‍ ഇന്‍ഫ്രാസ്ട്രക്ചര്‍ ഡെവലപ്മെന്റിന് അനുമതി നല്‍കിയ ബൃഹത് ബംഗളൂരു മഹാനഗര പാലികയുടെ (ബി.ബി.എം.പി) വിജ്ഞാപനത്തിനെതിരെ മരങ്ങളുടെ സംരക്ഷണമാവശ്യപ്പെട്ടാണ് ഹരജി. പ്രതികരണം അറിയിക്കാന്‍ ബി.ബി.എം.പിയുടെ അഭിഭാഷകന്‍ സമയം ആവശ്യപ്പെട്ടു. മറുപടി ഫയല്‍ ചെയ്യാന്‍ ജൂലൈ 8 വരെ ബെഞ്ച് സമയം അനുവദിച്ചു.