16 വർഷങ്ങൾ അവിശ്വസനീയം’; പൃത്വിരാജ് പ്രചോദനമെന്ന് അക്ഷയ് കുമാര്‍

തന്നെക്കാൾ മികച്ച അഭിനേതാവാണ് പൃത്വിരാജ് എന്ന് ബോളിവുഡ് സൂപ്പർസ്റ്റാർ അക്ഷയ് കുമാർ. ബോളിവുഡ് ചിത്രം ബഡേ മിയാന്‍ ഛോട്ടേ മിയാന്‍ എന്ന ചിത്രത്തിന്റെ പ്രമോഷന്റെ ഭാഗമായി മുംബൈയില്‍ നടന്ന ചടങ്ങില്‍ ആടുജീവിതത്തെക്കുറിച്ച് സംസാരിക്കുകയായിരുന്നു അക്ഷയ് കുമാര്‍.

പൃത്വിയെ അഭിനന്ദിച്ച അക്ഷയ് സിനിമയുടെ വിജയത്തിന് ആശംസകൾ നൽകുകയും ചെയ്തു. ആടുജീവിതത്തിനു വേണ്ടി രണ്ടു മൂന്നു വർഷമല്ലേ മാറ്റി വെച്ചതെന്ന ചോദ്യത്തിന് തന്റെ ജീവിതത്തിന്റെ 16 വർഷങ്ങളാണ് ഈ ചിത്രത്തിനായി മാറ്റിവെച്ചതെന്ന് പറഞ്ഞപ്പോൾ അത്ഭുതത്തോടെ അക്ഷയ്കുമാർ അവിശ്വസനീയമായ കാര്യമാണെന്നും 16 മാസം പോലും ജോലി ചെയ്യാൻ കഴിയാത്ത ആളാണ് താനെന്നും പൃത്വിക്ക് മാത്രമേ ഇത് സാധിക്കുവെന്നും കൂട്ടിച്ചേർത്തു.

ബഡേ മിയാന്‍ ഛോട്ടേ മിയാനില്‍ പൃഥ്വിരാജിനോടൊപ്പം ജോലി ചെയ്തത് സന്തോഷകരമായിരുന്നു, മാത്രമല്ല ഒരുപാട് കാര്യങ്ങൾ അദ്ദേഹത്തിൽ നിന്ന് ഒരുപാട് പഠിക്കാനുണ്ടെന്നും അക്ഷയ് കുമാർ പറഞ്ഞു. അദ്ദേഹം എന്നെ ആടുജീവിതത്തിന്റെ ട്രെയിലര്‍ കാണിച്ചിരുന്നു.താൻ അത്ഭുതത്തോടെ കണ്ടെന്നും വിജയത്തിനായി ആശംസിക്കുന്നുവെന്നും അക്ഷയ് കുമാർ പറഞ്ഞു.