സംസ്ഥാനത്ത് പ്ലസ് വണ്ണിന് 4.65 ലക്ഷം അപേക്ഷകർ; ഏറ്റവും കൂടുതല്‍ മലപ്പുറത്ത്

തിരുവനന്തപുരം: സംസ്ഥാനത്ത് പ്ലസ് വണ്‍ പ്രവേശനത്തിനായി അപേക്ഷിച്ചത് 4,65, 960 വിദ്യാര്‍ത്ഥികള്‍. ഏറ്റവും കൂടുതല്‍ വിദ്യാർഥികൾ മലപ്പുറത്താണ്, 82,434 പേർ. അതെസമയം ഏറ്റവും കുറവ് വിദ്യാർത്ഥികൾ വയനാട്ടിലും, 12,087. കേരള സിലബസില്‍ നിന്ന് 432428 വിദ്യാര്‍ത്ഥികള്‍ അപേക്ഷിച്ചപ്പോള്‍ സി. ബി. എസ്. ഇയില്‍ നിന്ന് 23699 അപേക്ഷകരാണുള്ളത്.

ഐ. സി. എസ്. ഇ സിലബസില്‍ നിന്ന് 2461 ഉം മറ്റ് വിഭാഗങ്ങളില്‍ നിന്ന് 7372 വിദ്യാര്‍ത്ഥികളും അപേക്ഷിച്ചു. ഓണ്‍ലൈന്‍ അപേക്ഷാസമര്‍പ്പണം ശനിയാഴ്ച അവസാനിച്ചു. സ്‌പോര്‍ട്സ് ക്വാട്ടയിലേക്കും മോഡല്‍ റസിഡന്‍ഷ്യല്‍ സ്‌കൂളുകളിലേക്കും 30 വരെ അപേക്ഷിക്കാം.