ബസിൽ നിന്നു റോഡിലേക്ക് തെറിച്ചുവീണു, ലോറി കയറിയിറങ്ങി 4 വിദ്യാർഥികൾക്ക് ദാരുണാന്ത്യം

ചെങ്കൽപേട്ട്: തമിഴ്നാട് ചെങ്കൽപേട്ടിൽ ശരീരത്തിലൂടെ ലോറി കയറിയിറങ്ങി നാല് വിദ്യാർഥികൾ മരിച്ചു. ബസിൽനിന്നു റോഡിലേക്ക് വീണ വിദ്യാർഥികളുടെ ശരീരത്തിലൂടെ ലോറിയ കയറിയിറങ്ങുകയായിരുന്നു. ചൊവ്വാഴ്ച രാവിലെയാണ് സംഭവം. വിദ്യാർഥികൾ ബസിന്റെ ഫുട്ബോഡിൽ നിന്നു യാത്ര ചെയ്യുന്നതിനിടെയാണ് അപകടം. ഒരു ലോറിയെ ബസ് ഓവർടേക്ക് ചെയ്യുന്നതിനിടെ ചെറുതായി തട്ടുകയും വെട്ടിച്ചുമാറ്റിയപ്പോൾ ഫുട്ബോഡിൽനിന്നവർ പുറത്തേയ്ക്കു തെറിച്ചു വീഴുകയായിരുന്നെന്നാണ് വിവരം. ഇവരുടെ ശരീരത്തിലൂടെ ലോറി കയറിഇറങ്ങുകയായിരുന്നു.