കൊട്ടാരക്കരയിൽ കാറിടിച്ച് കെഎസ്ആർടിസി ബസിന്റെ 4 ടയർ ഊരിത്തെറിച്ചു

കൊല്ലം: കാർ ഇടിച്ച് കെഎസ്ആർടിസി ബസിന്റെ പിന്നിലെ 4 ടയറുകൾ ഊരിത്തെറിച്ചു. കൊട്ടാരക്കര കോട്ടപ്പുറത്ത് രാവിലെയായിരുന്നു അപകടം. പുനലൂർ ഭാഗത്തുനിന്ന് വരികയായിരുന്നു കാർ. ആളപായമില്ല. കൊട്ടാരക്കരയിൽനിന്ന് പുനലൂരിലേക്ക് പോവുകയായിരുന്നു ബസ്. കാർ ഇടിച്ചയുടനെ ബസിന്റെ ടയറുകൾ ഊരിത്തെറിച്ചു. ബോഡി റോഡിൽ ഉരഞ്ഞു അൽപദൂരം മുന്നോട്ടുപോയി ബസ് നിന്നു. കാറിന്റെ മുൻവശം തകർന്നു.