തുണി ഉണക്കാനിടുന്നതിനിടെ വൈദ്യുതാഘാതമേറ്റ് പതിനാറുകാരിക്ക് ദാരുണാന്ത്യം

കാസർഗോഡ്: കാസർഗോഡ് പെര്‍ളയിൽ തുണി ഉണക്കാനിടുന്നതിനിടെ വൈദ്യുതാഘാതമേറ്റ് പതിനാറുകാരിക്ക് ദാരുണാന്ത്യം. പെര്‍ള ഇഡിയടുക്ക സ്വദേശിനി ബി.ആര്‍ ഫാത്തിമയാണ് മരിച്ചത്.

ഇവര്‍ വാടകയ്ക്ക് താമസിക്കുന്ന ക്വാര്‍ട്ടേഴ്‌സിന്റെ ടെറസ്സിന് മുകളില്‍ തുണി ഇടാനായി കെട്ടിയ കമ്പി വൈദ്യുത ലൈനില്‍ തട്ടിയിരുന്നു. ഫാത്തിമ ഇത് ശ്രദ്ധിച്ചിരുന്നില്ല. തുണി ഇടുന്നതിനിടെ ഫാത്തിമയ്ക്ക് വൈദ്യുതാഘാതമേല്‍ക്കുകയായിരുന്നു.