അങ്കമാലിയിൽ ദേശീയപാതയിൽ ബസ് മീഡിയനിൽ ഇടിച്ചുകയറി

അങ്കമാലി: ദേശീയപാതയിൽ കറുകുറ്റി കേബിൾ നഗറിനു സമീപം ബസ് മീഡിയനിൽ ഇടിച്ചു കയറി. ബെംഗളൂരുവിൽ നിന്ന് എറണാകുളത്തേക്കു പോയ ബസാണ് അപകടത്തിൽപെട്ടത്. സംഭവത്തിൽ ആർക്കും പരിക്കില്ല. മുന്നിലൂടെ പോയ വാഹനം പെട്ടെന്ന് നിർത്തിയതോടെയാണ് പിന്നാലെ വരികയായിരുന്ന ബസ് നിയന്ത്രണം വിട്ട് ഇടതുവശത്തെ റോഡിലെ മീഡിയൻ ഭാഗത്തേക്ക് ഇടിച്ചു കയറിയത്.