പൊരുതി നേടിയ വിജയം

കുറുപ്പംപടി : സ്കൂൾ കലോത്സവം നടക്കുന്നതിനിടെയിലാണ് സെൻ്റ് തേരസാസ് സിജിഎച്ച്എസ്എസ് പത്താം ക്ലാസ് വിദ്യാർഥിനിയായ എ. എസ് ശ്രീഗൗരിക്ക് കുളിമുറിയിൽ വെച്ചിരുന്ന ചൂട് വെള്ളം വീണ് കാലിന് പൊള്ളലേറ്റത്.ഇത്തവണ സംസ്ഥാന തലത്തിൽ മത്സരിക്കണം എന്ന മോഹം അതോടെ ഒരു നീറ്റലായി മാറി.സ്കൂൾ തലത്തിൽ ഭരതനാട്യത്തിൽ മത്സരിക്കാനായില്ല എങ്കിലുംകേരള നടനത്തിൽ സ്കൂൾതലത്തിൽ ഒന്നാം സ്ഥാനം കരസ്ഥമാക്കിയിരുന്നു.പൊള്ളലിന്റെ വേദന സഹിച്ചുകൊണ്ടാണ് നങ്ങ്യാർകൂത്തിൽ മത്സരിച്ച് ഒന്നാംസ്ഥാനം നേടി സംസ്ഥാന തലത്തിലേക്ക് യോഗ്യത നേടിയത്കുസാറ്റിലെ അസോസിയേറ്റ് പ്രൊഫസറായ ഡോക്ടർ സാബു ആണ് പിതാവ്, ഫിഷറീസ് ഓഫീസറായ ആശ സാബു മാതാവാണ്. നങ്ങ്യാർകൂത്തിൽകലാമണ്ഡലം ഡോക്ടർ കൃഷ്ണേന്ദുവാണ് ഗുരു.