എറണാകുളം നെട്ടൂര്‍ മാര്‍ക്കറ്റില്‍ വന്‍ തീപിടിത്തം

കൊച്ചി: എറണാകുളം നെട്ടൂര്‍ മാര്‍ക്കറ്റില്‍ വന്‍ തീപിടിത്തം. പുല്‍ത്തകിടിയിലാണ് തീ പിടിച്ചത്. ഇതിന്റെ വശത്തായി ഒരു ഗോഡൗണ്‍ പ്രവര്‍ത്തിക്കുന്നുണ്ട്. വാഹനങ്ങള്‍ പാര്‍ക്ക് ചെയ്തിട്ടുള്ളതും ഇവിടെയാണ്. ഗാന്ധിനഗര്‍ സ്റ്റേഷനില്‍നിന്നുള്ള അഗ്‌നിശമന സേന തീ അണയ്ക്കാനുള്ള ശ്രമം തുടരുന്നു.

വാഹനങ്ങളിലേക്ക് തീ പടരാനുള്ള സാധ്യതയുള്ളതിനാല്‍ അവ മാറ്റാനും ശ്രമം നടക്കുന്നുണ്ട്. ഉണങ്ങി നില്‍ക്കുന്ന പുല്‍ത്തകിടികളാണ് ഇവിടെയുള്ളത്. പ്രദേശം മുഴുവന്‍ പുക നിറഞ്ഞു. തീ വ്യാപിക്കാതിരിക്കാനുള്ള ശ്രമങ്ങളാണ് നാട്ടുകാരും അഗ്‌നിരക്ഷാ പ്രവര്‍ത്തകരും ചേര്‍ന്നു നടത്തുന്നത്. മാലിന്യ വസ്തുക്കള്‍ കൂട്ടിയിട്ടിരുന്നിടത്താണ് ആദ്യം തീ പടര്‍ന്നതെന്നാണ് നിഗമനം.