യുഡിഎഫ് കലാശക്കൊട്ടിൽ ശ്രദ്ധേയമായി കുടമാറ്റം

പാലക്കാട്‌: യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിന്റെ തെരഞ്ഞെടുപ്പ് പ്രചാരണത്തിന്റെ കലാശക്കൊട്ടിലെ കുടമാറ്റം ആണ് ഏറെ ശ്രദ്ധ നേടിയത്. സംസ്ഥാന കേന്ദ്ര സർക്കാരുകളുടെ ജനദ്രോഹനയങ്ങളും, അഴിമതികളും, കെടുകാര്യസ്ഥതയും സ്വജനപക്ഷപാതവും തുറന്നു കാട്ടുന്ന കുടകളാണ് യുഡിഎഫ് പ്രവർത്തകർ മാറിമാറി ഉയർത്തി കാട്ടിയത്. ഇതിനിടയിൽ ബിജെപി-സിപിഎം ബാന്ധവം തുറന്നുകാട്ടുന്ന കുടകളും പ്രവർത്തകർ ഉയർത്തി.