സംസ്ഥാനത്ത് സ്വർണവിലയിൽ ഇന്ന് നേരിയ ഇടിവ്

സംസ്ഥാനത്ത് സ്വർണ വിലയിൽ ഇന്ന് നേരിയ കുറവ്. ഗ്രാമിന് 10 രൂപ കുറഞ്ഞ് വില 6,555 രൂപയും പവന് 80 രൂപ കുറഞ്ഞ് 52,440 രൂപയുമായി. ഇന്നലെ ഗ്രാമിന് ഒറ്റയടിക്ക് 95 രൂപയും പവന് 760 രൂപയും കൂടിയിരുന്നു. ഇറാൻ-ഇസ്രയേൽ യുദ്ധഭീതി, വീണ്ടും കടുക്കുന്ന റഷ്യ-യുക്രെയ്ൻ സംഘർഷം എന്നീ ഭൗമരാഷ്ട്രീയ പ്രശ്നങ്ങളും രൂപയുടെ മൂല്യയിടിവുമാണ് ഇന്നലെ വിലവർധനയ്ക്ക് വഴിവച്ചതെങ്കിൽ ഇപ്പോൾ സമ്മർദ്ദമാകുന്നത് യുഎസിലെ സാമ്പത്തിക രംഗത്തെ ചലനങ്ങളാണ്.

വെള്ളി വിലയിൽ ഇന്ന് മാറ്റമില്ല. ഗ്രാമിന് 88 രൂപയിലാണ് വ്യാപാരം. കനംകുറഞ്ഞതും (ലൈറ്റ്‍വെയ്റ്റ്) കല്ലുകൾ പതിപ്പിച്ചതുമായ ആഭരണങ്ങൾ നിർമിക്കാനുപയോഗിക്കുന്ന 18 കാരറ്റ് സ്വർണ വില ഇന്ന് ഗ്രാമിന് 5 രൂപ കുറഞ്ഞ് 5,420 രൂപയായി.