സ്വര്‍ണവിലയിൽ കുതിപ്പ്; പവന് 400 രൂപ കൂടി

സംസ്ഥാനത്ത് സ്വര്‍ണ വിലയില്‍ വര്‍ധന. പവന്‍ വിലയില്‍ 400 രൂപയാണ് കൂടിയത്. ഒരു പവന്‍ സ്വര്‍ണത്തിന്റെ ഇന്നത്തെ വില 53,760 രൂപയാണ്. ഒരു ഗ്രാം സ്വര്‍ണത്തിന്റെ ഇന്നത്തെ വില 6720 രൂപയാണ്. തുടര്‍ച്ചയായ നാല് ദിവസവും മാറ്റമില്ലാതെ തുടര്‍ന്ന സ്വർണവിലയിൽ ഇന്നാണ് വര്‍ധനവ് ഉണ്ടായത്. വെള്ളി വിലയിലും നേരിയ ഉണർവ് ഉണ്ടായിട്ടുണ്ട്, രണ്ട് രൂപ വര്‍ധിച്ച് 91 ലെത്തി.

20 ദിവസത്തിനിടെ ഏകദേശം 3000 രൂപ വര്‍ധിച്ച് കഴിഞ്ഞ മാസത്തെ ഏറ്റവും ഉയര്‍ന്ന നിലവാരമായ 53,720 രൂപയിലേക്ക് എത്തിയ ശേഷമാണ് സ്വര്‍ണവില കുറയാന്‍ തുടങ്ങിയത്. ഓണവും വിവാഹ സീസണും ഒന്നിച്ചു വന്നതിനാൽ സ്വർണവിപണിയിൽ വില്പനയുടെ നിലവാരം ഉയരുന്നു എന്നത് സ്വർണവ്യാപാരികളുടെ പ്രതീക്ഷ വർധിപ്പിക്കുന്നു.