അബ്ദുൾ റഹ്‌മാൻ സാഹിബ് അനുസ്മരണം സംഘടിപ്പിച്ച് റിയാദ് ഒഐസിസി തൃശ്ശൂർ ജില്ല കമ്മിറ്റി.

റിയാദ്: സ്വാതന്ത്രസമരസേനാനിയും കോൺഗ്രസ് നേതാവുമായിരുന്ന അബ്ദുൽ റഹ്‌മാൻ സാഹിബ് അനുസ്മരണം സംഘടിപ്പിച്ചു ഒഐസിസി തൃശൂർ ജില്ലാ കമ്മറ്റി. റിയാദ് സബർമതി ഓഫീസിൽ നടന്ന ചടങ്ങ് ഒഐസിസി സെൻട്രൽ കമ്മറ്റി പ്രസിഡണ്ട് അബ്ദുല്ല വല്ലാഞ്ചിറ ഉദ്ഘാടനം ചെയ്തു. ജില്ലാ കമ്മറ്റി പ്രസിഡന്റ് നാസ്സർ വലപ്പാട് അധ്യക്ഷത വഹിച്ചു. ഒഐസിസി ഗ്ലോബൽ കമ്മിറ്റി സെക്രട്ടറി റഷീദ് കുളത്തറ മുഖ്യ പ്രഭാഷണം നടത്തി.

ശരിയുടെ പക്ഷത്തു നിന്നുകൊണ്ട് തികഞ്ഞ ദേശീയവാദിയും മതേതരവാദിയുമായ സ്വതന്ത്ര സമര സേനാനിയുമായിരുന്നു അബ്ദുറഹ്മാൻ സാഹിബ്. മത മൗലീക വാദികൾക്കെതിരെയും , ബ്രിട്ടീഷ് സാമ്രാജത്വത്തിനെതിരെയും നിരന്തര സമരങ്ങളിൽ ബഹുജനങ്ങളെ അണിനിരത്തിക്കൊണ്ട് ദേശീയ പ്രസ്ഥാനമായ കോൺഗ്രസ്സിനെ മലയാള മണ്ണിൽ കരുത്തുറ്റതാക്കി മാറ്റാൻ കെ.പി.സി.സി. പ്രസിഡന്റ് എന്ന നിലയ്ക്ക് അദ്ദേഹത്തിന് സാധിച്ചു. അബ്ദുറഹ്മാൻ സാഹിബിന് പോലുള്ളവരെ പുതു തലമുറയ്ക്ക് പരിചയപ്പെടുത്തി കൊടുക്കേണ്ടതിന്റെ പ്രസക്തിയെ കുറിച്ചും റഷീദ് കൊളത്തറ പറഞ്ഞു.

സുരേഷ് ശങ്കർ, യഹ്‌യ കൊടുങ്ങല്ലൂർ, വിൻസെൻ്റ് തിരുവനന്തപുരം, രാജു തൃശൂർ, ഷുക്കൂർ ആലുവ എന്നിവർ അനുസ്മരണ പ്രഭാഷണം നിർവഹിച്ചു.

തലഹത്ത് , സലിം , ഷംസു , ഗഫൂർ ചെന്ത്രാപ്പിന്നി, ഇബ്രാഹിം ചേലക്കര, സുലൈമാൻ മുള്ളൂർക്കര, ജോണി മാഞ്ഞുരാൻ , സൈഫ് റഹ്മാൻ, മുസ്തഫ പുനിലത്ത്, ഷാനവാസ് പുനിലത് എന്നിവർ പ്രോഗ്രാമിന് നേതൃത്വം നൽകി.

കൺവീനർ അൻസായി ഷൗക്കത്ത് ആമുഖ പ്രഭാഷണം നിർവഹിച്ചു. ജനറൽ സെക്രട്ടറി സോണി പാറക്കൽ സ്വാഗതവും ട്രഷറർ രാജേഷ് ചേലക്കര നന്ദിയും പറഞ്ഞു.