അജ്പക് കുടുംബ സംഗമം കബ്ദിൽ വച്ച് നടത്തി

_{കുവൈറ്റ്‌ സിറ്റി : ആലപ്പുഴ ജില്ലാ പ്രവാസി അസോസിയേഷൻ കുവൈറ്റിന്റ (അജ് പക്) നേതൃത്വത്തിൽ 2024 നവംബർ 21, 22 തീയതികളിൽ കബ്ദ് ഷാലയിൽ കുടുംബസംഗമം നടത്തി. പ്രസിഡന്റ്‌ കുര്യൻ തോമസ് പൈനുമ്മൂട്ടിലിന്റെ അധ്യക്ഷതയിൽ കൂടിയ യോഗം രക്ഷാധികാരി ബാബു പനമ്പള്ളി ഉദ്ഘാടനം ചെയ്തു. ചെയർമാൻ രാജീവ് നടുവിലെമുറി മുഖ്യപ്രഭാഷണം നടത്തി. ട്രഷറർ സുരേഷ് വരിക്കോലിൽ, അഡ്വൈസറി ബോർഡ് ചെയർമാൻ മാത്യു ചെന്നിത്തല, വനിതാ വേദി ജനറൽ സെക്രട്ടറി ഷീന മാത്യു, വനിതാ വേദി ട്രഷറർ അനിത അനില്‍ എന്നിവർ ആശംസകൾ അറിയിച്ചു. ജനറൽ സെക്രട്ടറി സിറിൽ ജോൺ അലക്സ് ചമ്പക്കുളം സ്വാഗതം പറഞ്ഞ യോഗത്തിൽ പ്രോഗ്രാം കമ്മിറ്റി കൺവീനർ മനോജ് പരിമണം നന്ദി പറഞ്ഞു.}

_{കുടുംബ സംഗമത്തിൽ പങ്കെടുത്ത കുട്ടികൾ, സ്ത്രീകൾ, പുരുഷന്മാർ വിവിധങ്ങളായ കലാകായിക പരിപാടികൾ അവതരിപ്പിച്ചു. കുവൈറ്റിലെ പ്രമുഖ മ്യൂസിക്കൽ ബാൻഡ് ലയ തരംഗിന്റെ ഗാനമേള എല്ലാവർക്കും ആവേശമായി. ഐഡിയ സ്റ്റാർ സിംഗർ ഫെയ്മും ഗാനഗന്ധർവ്വ വിജയിയുമായ മുസ്തഫ ഗാനമേളയ്ക്ക് നേതൃത്വം നൽകി. ശ്രീനിവാസ്, ആർച്ച സജി, മനോജ് കുമാർ ചെങ്ങന്നൂർ, ജീജോ കായംകുളം, കൊച്ചുമോൻ പള്ളിക്കൽ, അജി ഈപ്പൻ, ഹരി പത്തിയൂർ, വിനീത് കാരിച്ചാൽ, ദിവ്യ സേവ്യർ, അഞ്ജലി അശോകൻ, പ്രദീപ് ജോസഫ്, അനന്തകൃഷ്ണൻ കൈനകരി, എന്നിവർ ഗാനങ്ങൾ ആലപിച്ചു. വൈവിധ്യമാർന്ന വിഭവങ്ങളടങ്ങിയ ഭക്ഷണം ഒരുക്കിയിരുന്നു. കുടുംബ സംഗമത്തിൽ പങ്കെടുത്തവർക്ക് വേണ്ടി ഹരി പത്തിയൂർ ക്യാമ്പ് സേഫ്റ്റിയെ കുറിച്ചുള്ള ക്ലാസ് എടുത്തു. ആവേശകരമായ വടംവലിയോട് കൂടി കുടുംബ സംഗമം സമാപിച്ചു.}