'മദ്യനയത്തിലെ മാറ്റം ജനവഞ്ചന'; സീറോ മലബാർ സഭ

എറണാകുളം: മദ്യനയത്തിൽ മാറ്റം വരുത്തുന്നത് ജനവഞ്ചനയെന്ന് സിറോ മലബാർ സഭ. നടപടികളിൽ നിന്നും സർക്കാർ പിന്നോട്ടുപോകണമെന്ന് സിറോ മലബാർ സഭ പി ആർ ഒ ആൻ്റണി വടക്കേക്കര പറഞ്ഞു.

ഡ്രൈ ഡേ ഒഴിവാക്കുന്നതും ബാർ സമയം നീട്ടുന്നതും അപലപനീയമാണ്. ഈ തീരുമാനത്തോട് സഭ വിയോജിക്കുന്നു എന്ന് മാത്രമല്ല ടൂറിസത്തിന്റെ പേരും പറഞ്ഞ് മദ്യത്തെ പ്രോത്സാഹിപ്പിക്കുന്നത് ആശങ്ക ഉളവാക്കുന്ന കാര്യമാണ്. ബാർ കോഴ വിവാദവുമായി ബന്ധപ്പെട്ട് രാഷ്ട്രീയ അഭിപ്രായത്തിനില്ലെന്നും സുതാര്യമായ അന്വേഷണം നടത്തി യാഥാർഥ്യം പുറത്ത് കൊണ്ടുവരണമെന്നും സീറോ മലബാർ സഭ പറഞ്ഞു.