ജയസൂര്യക്കെതിരെ വീണ്ടും ആരോപണം; പരാതിയുമായി തിരുവനന്തപുരം സ്വദേശിനി

തിരുവനന്തപുരം: നടൻ ജയസൂര്യക്കെതിരെ പരാതിയുമായി തിരുവനന്തപുരം സ്വദേശിനി. പരാതി പ്രത്യേക അന്വേഷണ സംഘത്തിന് നൽകി. അന്വേഷണ സംഘത്തിലെ ഉദ്യോഗസ്ഥരായ ഐശ്വര്യ ഡോങ്ക്റെ, ജി പൂങ്കുഴലി എന്നിവരുമായി പരാതിക്കാരി നേരിട്ട് സംസാരിച്ചു. 2013ൽ തൊടുപുഴയിലെ ഷൂട്ടിംഗ് സെറ്റിൽ വെച്ച് തന്നെ കടന്നുപിടിച്ചെന്നാണ് നടിയുടെ പരാതി. നേരത്തെ മറ്റൊരു നടിയും ജയസൂര്യക്കെതിരെ പരാതി നൽകിയിരുന്നു. 2008ലാണ് ജയസൂര്യയിൽ നിന്നും മോശം അനുഭവമുണ്ടായത് എന്നാണ് നടി പറഞ്ഞത്.