മികച്ച പാര്‍ലമെന്റേറിയനുള്ള അംബേദ്കര്‍ അയ്യന്‍കാളി അവാര്‍ഡ് കൊടിക്കുന്നില്‍ സുരേഷ് എം.പിക്ക്

കേരള ദളിത് ലീഡേഴ്സ് ഫോറത്തിന്റെ ആഭിമുഖ്യത്തില്‍ സംവരണ സമുദായങ്ങളിലെ മികച്ച പാര്‍ലമെന്റേറിയനുള്ള പ്രഥമ അംബേദ്കര്‍ അയ്യന്‍കാളി അവാര്‍ഡ് 2023 ന് കൊടിക്കുന്നില്‍ സുരേഷ് എം.പി യെ തെരഞ്ഞെടുത്തു.ലോകസഭാഗം എന്ന നിലയില്‍ 7 തവണകളിലായി കഴിഞ്ഞ 28 വര്‍ഷക്കാലത്തെ സേവനവും, കേന്ദ്ര മന്ത്രി എന്ന നിലയിലുള്ള സേവനങ്ങളേയും, സംസ്ഥാനത്തിനകത്തും പുറത്തും സംവരണ സമുദായങ്ങളുടെ വിവിധ വിഷയങ്ങള്‍ ഏറ്റെടുത്ത് നടത്തിയ പ്രവര്‍ത്തനങ്ങളേയും അടിസ്ഥാനപ്പെടുത്തിയാണ് കൊടിക്കുന്നില്‍ സുരേഷ് എം.പി തെരഞ്ഞെടുക്കപ്പെട്ടത്.

ദളിത് - ജനാധിപത്യ ചിന്തകരും എഴുത്തുകാരും അക്കാദമിസ്റ്റുകളുമായ അഞ്ചംഗം അവാര്‍ഡ് നിര്‍ണ്ണയ സമിതിയാണ് അദ്ദേഹത്തിന്റെ പേര് നിര്‍ദ്ദേശി ച്ചത്. ഡോ. എ.കെ വാസു അദ്ധ്യക്ഷനും, ഡോ. എം.ബി മനോജ് (കാലി ക്കറ്റ് സര്‍വ്വകലാശാല) ഡോ. ഒ.കെ സന്തോഷ' (മദ്രാസ് സര്‍വ്വകസാശാല) ഡോ. ജോബിന്‍ ചാമക്കാല (ദേവമാതാ കോളേജ്, കുറവിലങ്ങാട്), ഡോ. ബെറ്റിമോള്‍ മാത്യു (എന്‍.എസ്.എസ് കോളേജ് - നിലമേല്‍) എന്നിവ രടങ്ങിയ പാനലാണ് ശ്രീ. കൊടിക്കുന്നില്‍ സുരേഷ് എം.പിയുടെ പേര് നിര്‍ദ്ദേശിച്ചത്.ഫെബ്രുവരി 21 രാവിലെ 12 മണിക്ക് കോട്ടയം പ്രസ്സ് ക്ലബ്ബ് ഹാളില്‍ വച്ച് നടക്കുന്ന ചടങ്ങില്‍ വച്ച് അവാര്‍ഡ് നല്‍കും.