കോൺഗ്രസ് പാർട്ടിയെ ചതിച്ച ആളാണ് അനിൽ ആന്റണി ; പി ജെ കുര്യൻ

കോൺഗ്രസ് വിട്ട് ബിജെപിയിൽ ചേർന്ന അനിൽ ആന്റണി ബിജെപിയെയും ചതിക്കുമെന്ന് കോൺഗ്രസ് നേതാവ് പ്രൊഫ. പി ജെ കുര്യൻ.
പത്തനംതിട്ടയിലെ യുഡിഎഫ് സ്ഥാനാർഥി ആന്റോ ആന്റണിയുടെ പര്യടന പരിപാടിയിൽ മല്ലപ്പള്ളിയിൽ സംസാരിക്കുകയായിരുന്നു കുര്യൻ.

‘‘കോൺഗ്രസ് പാർട്ടിയുടെ എല്ലാ സുഖങ്ങളും അനുഭവിച്ചതിനുശേഷം പാർട്ടിയെ ചതിച്ചു ബിജെപിയുടെ സ്ഥാനാർഥിയായി വന്ന അനിൽ ആന്റണി ബിജെപിയെയും ചതിക്കും. ബിജെപിയെ ചതിച്ചു പുറത്തിറങ്ങുമ്പോൾ അനിലിനെ കോൺഗ്രസിലേക്കു തിരികെ സ്വീകരിക്കാം’’ – ഇങ്ങനെയാണ് പി.ജെ.കുര്യൻ സംസാരിച്ചത്. ഇതോടെ നമുക്ക് 'വേണ്ടെന്നായിരുന്നു' സദസിൽ നിന്നും ഉയർന്ന ശബ്ദം. ഇതോടെ വേദിയിൽ ചിരി പടർന്നു.