സംസ്ഥാനത്ത് വീണ്ടും കർഷക ആത്മഹത്യ: കടബാധ്യതയെ തുടർന്ന് പാലക്കാട് കർഷകൻ ജീവനൊടുക്കി

പാലക്കാട്‌: കടബാധ്യതയെ തുടർന്ന് പാലക്കാട് പുതുശ്ശേരിയില്‍ കര്‍ഷകൻ ആത്മഹത്യ ചെയ്തു. പുതുശ്ശേരി വേനോലി സ്വദേശി രാധാകൃഷ്ണനാണ് ആത്മഹത്യ ചെയ്തത്. വിഷം കഴിച്ച രാധാകൃഷ്ണന്‍ ചികിത്സയിലിരിക്കെയാണ് മരിച്ചത്. ഈ മാസം അഞ്ചിനാണ് രാധാകൃഷ്ണന്‍ വിഷം കഴിച്ചത്.

സാമ്പത്തിക പ്രതിസന്ധിയാണ് മരണകാരണമെന്ന് ബന്ധുക്കള്‍ പറഞ്ഞു. രണ്ട് ബാങ്കുകളിലായി രാധാകൃഷ്ണന് ആറ് ലക്ഷം രൂപയുടെ വായ്പയുണ്ടായിരുന്നു.