കീഴ്മാട് പഞ്ചായത്തിൽ പുതിയ അംഗൻവാടിക്ക് ഫണ്ട് അനുവദിക്കുകയും നിർമ്മാണ ഉദ്ഘാടനം നിർവഹിക്കുകയും ചെയ്ത് അൻവർ സാദത്ത് എം.എൽ.എ

ആലുവ: കീഴ്മാട് പഞ്ചായത്ത് 8-ാം വാർഡ് 31-ാം നമ്പർ അംഗൻവാടിക്ക് പുതിയ കെട്ടിടം നിർമ്മിക്കുന്നതിനായി അൻവർ സാദത്ത് എം.എൽ.എ യുടെ 2024 -25 വർഷത്തെ ആസ്തി വികസന ഫണ്ടിൽ നിന്നും 28.83 ലക്ഷം രൂപ അനുവദിച്ച് ഭരണാനുമതി ലഭിച്ചിരുന്നു. അംഗൻവാടിയുടെ നിർമ്മാണ ഉദ്ഘാടനം നവംബർ 28 വ്യാഴാഴ്ച രാവിലെ 10 മണിക്ക് അൻവർ സാദത്ത് എം.എൽ.എ നിർവ്വഹിച്ചു. പഞ്ചായത്ത് പ്രസിഡന്റ് സതി ലാലു അദ്ധ്യക്ഷത വഹിച്ച ചടങ്ങിൽ, വാർഡുമെമ്പർ ടി പി അബ്ദുൾ അസീസ് സ്വാഗതം പറഞ്ഞു. ബ്ലോക്ക് പഞ്ചായത്തു മെമ്പർ ലിസ്സി സെബാസ്റ്റ്യൻ , പഞ്ചായത്ത് സ്റ്റാൻഡിങ്ങ് കമ്മിറ്റി ചെയർപെഴ്സൺമാരായ റസീന നജീബ്, എൽസി ജോസഫ്, മെമ്പർമാരായ കെ.എ ജോയ്, കെ കെ സതീശൻ, ടി ആർ രജീഷ്, ഹിത ജയകുമാർ, സഹകരണ ബാങ്ക് പ്രസിഡന്റ്മാരായ പി എ മുജീബ്, മീതിയൻ പിള്ള എന്നിവർ ആശംസകൾ അറിയിച്ചു. അംഗൻവാടി ടീച്ചർ ബീന നന്ദി പറഞ്ഞു.