ലോകകപ്പ് യോഗ്യതാമത്സരങ്ങൾക്കായുള്ള അർജന്റീന ടീമിനെ പ്രഖ്യാപിച്ചു, മെസ്സി പുറത്ത്
റൊസാരിയോ: സെപ്റ്റംബറില്‍ നടക്കുന്ന ലോകകപ്പ് യോഗ്യതാമത്സരങ്ങള്‍ക്കായുള്ള അര്‍ജന്റീന ടീമിനെ പ്രഖ്യാപിച്ചു. പരിക്കേറ്റ സൂപ്പര്‍താരം ലയണല്‍ മെസ്സിയെ ടീമില്‍ ഉള്‍പ്പെടുത്തിയിട്ടില്ല. കൊളംബിയ, ചിലി എന്നീ ടീമുകള്‍ക്കെതിരേയാണ് മത്സരങ്ങള്‍. സമൂഹമാധ്യമങ്ങളിലൂടെയാണ് 28- അംഗ ടീമിനെ അര്‍ജന്റീന ഫുട്‌ബോള്‍ അസോസിയേഷന്‍ പുറത്തുവിട്ടത്.
സ്‌ക്വാഡില്‍ നിരവധി യുവതാരങ്ങളുടെ പലിശീലകനായ സ്‌കലോണിയെ ഉള്‍പ്പെടുത്തിയിട്ടുണ്ട്. അലജാന്‍ഡ്രോ ഗര്‍നാച്ചോ, വാലന്റിന്‍ ബാര്‍കോ, വാലന്റിന്‍ കര്‍ബോണി, മാത്യാസ് സൗളെ എന്നിവര്‍ ടീമിലുണ്ട്. മിഡ്ഫീല്‍ഡര്‍ എസക്വേല്‍ ഫെര്‍ണാണ്ടസ്, സ്‌ട്രൈക്കര്‍ വാലന്റിന്‍ കാസ്റ്റല്ലാനോസ് എന്നിവര്‍ പുതുമുഖങ്ങളാണ്. ഡിബാല ഇക്കുറിയും ടീമിലില്ല. സെപ്റ്റംബര്‍ 5-ന് ചിലിയേയും 10-ന് കൊളംബിയയേയും അര്‍ജന്റീന നേരിടും.
കഴിഞ്ഞമാസം നടന്ന കോപ്പ അമേരിക്ക ഫൈനലിനിടെയാണ് മെസ്സിയ്ക്ക് പരിക്കേറ്റത്. കണങ്കാലിന് പരിക്കേറ്റ താരം കോപ്പ ഫൈനല്‍ മത്സരത്തിന്റെ 66-ാം മിനിറ്റില്‍ കളം വിട്ടിരുന്നു. മത്സരത്തില്‍ ഏകപക്ഷീയമായ ഒരു ഗോളിന് കൊളംബിയയെ പരാജയപ്പെടുത്തി അര്‍ജന്റീന കിരീടത്തില്‍ മുത്തമിട്ടു. മത്സരശേഷം ഡിമരിയ രാജ്യാന്തരഫുട്‌ബോളില്‍ നിന്ന് വിരമിക്കുകയും ചെയ്തു.
ലേഖകന്‍
View all postsauthor12@veekshanam.com
