കുടിവെള്ളം എടുക്കുന്നതിനെ ചൊല്ലി തർക്കം; രണ്ട് പേർക്ക് കുത്തേറ്റു

മലപ്പുറം: കുറ്റിപ്പുറത്ത് കുടിവെള്ളം എടുക്കുന്നതിനെ ചൊല്ലിയുള്ള തർക്കത്തിനിടെ രണ്ട് പേർക്ക് കുത്തേറ്റതായി റിപ്പോർട്ട്. ഊരോത്ത് പള്ളിയാലിൽ വാടക ക്വാർട്ടേഴ്സിൽ താമസക്കുന്നവർക്കാണ് കുത്തേറ്റത്. വെള്ളം എടുക്കുന്നതിനെ തുടർന്നുണ്ടായ തർക്കം ആണ് അക്രമത്തിൽ കലാശിച്ചത് എന്നാണ് പുറത്തു വരുന്ന വിവരം. പരിക്കേറ്റവരെ രണ്ട് സ്വകാര്യ ആശുപത്രികളിൽ പ്രവേശിപ്പിച്ചു.