ഒളവണ്ണയില്‍ വീടിന്റെ താഴെത്തെ നില ഭൂമിക്കടിയിലേക്ക് താഴ്ന്നു; തലനാരിഴയ്ക്ക് രക്ഷപ്പെട്ട്‌ കുടംബം

കോഴിക്കോട്: ഒളവണ്ണയില്‍ വീട് ഇടിഞ്ഞ് ഭൂമിക്കടിയിലേക്ക് താഴ്ന്നു. ചെറോട്ട് പറമ്പ് മിടിങ്ങലൊടിനിലം സക്കീറിന്‍റെ വീടാണ് തകര്‍ന്നത്. തിങ്കളാഴ്ച രാവിലെ 10: 30 യോടുകൂടിയായിരുന്നു സംഭവം. വീട്ടിലുണ്ടായിരുന്നവര്‍ ഓടിമാറിയതിനാല്‍ വലിയ അപകടമാണ് ഒഴിവായത്.
താഴത്തെ നില പൂര്‍ണമായും ഭൂമിക്കടിയിലായി. പ്രദേശം നേരത്തേ ചതുപ്പ് നിലമായിരുന്നു. അപകടസമയത്ത് സക്കീർ ജോലിക്ക് പോയതായിരുന്നു. മകൾ അവരുടെ മൂത്ത കുട്ടിയെ സ്കൂളിൽ കൊണ്ടുവിടാനും പോയതായിരുന്നു. അപകട സമയത്ത് വീട്ടിലുണ്ടായിരുന്ന സക്കിറിന്റെ ഭാര്യ ആസ്യയും കൊച്ചുമകൻ മിൻസാലും വീടിനു പുറത്തേക്കോടി രക്ഷപ്പെട്ടുകയായിരുന്നു.