ആലപ്പുഴയില്‍ ടാക്‌സി കാറുകള്‍ക്ക് നേരെ ആക്രമണം

ആലപ്പുഴ: കെ എസ് ആര്‍ ടി സി ബസ് സ്റ്റേഷന് സമീപത്തെ ടാക്‌സി സ്റ്റാന്‍ഡില്‍ പാര്‍ക്ക് ചെയ്തിരുന്ന രണ്ട് കാറുകളാണ് ആക്രമിക്കപ്പെട്ടത്.വെള്ളിയാഴ്ച അര്‍ദ്ധരാത്രി ഒരു മണിയോടെയാണ് ആക്രമണം ഉണ്ടായത്.

തെക്കനാര്യാട് അവലൂക്കുന്ന് കണ്ടത്തില്‍ വീട്ടില്‍ അനീഷിന്റെ ഇന്നോവയും തെക്കനാര്യാട് മൂപ്പശ്ശേരി വീട്ടില്‍ സജിമോന്റെ എര്‍ട്ടിഗ കാറുമാണ് ആക്രമിക്കപ്പെട്ടത്.ഇന്നോവയുടെ പിന്നിലെയും മുന്‍വശത്തെയും സൈഡിലെയും ചില്ലുകള്‍ തകര്‍ത്തു. എര്‍ട്ടിഗയുടെ പിന്‍ഭാഗം കല്ലിന് കുത്തിപ്പൊട്ടിച്ച നിലയിലാണ്.രണ്ട് വാഹനങ്ങള്‍ക്കുമായി ഒരു ലക്ഷത്തോളം രൂപയുടെ നഷ്ടമുണ്ടായതായാണ് കണക്കാക്കുന്നത്.ഇതുസംബന്ധിച്ച് വാഹന ഉടമകള്‍ ആലപ്പുഴ സൗത്ത് പോലീസ് സ്റ്റേഷനില്‍ പരാതി നല്‍കി.