പ്രൊഫൈൽ പിക്ചർ ക്യാമ്പയിനുമായി ബെന്നി ബഹനാൻ

അങ്കമാലി :ചാലക്കുടിയുടെ വോട്ടർമാരോട് വോട്ട് അഭ്യർത്ഥിച്ചുകൊണ്ടുള്ള യുഡിഎഫ് സ്ഥാനാർത്ഥി ബെന്നി ബഹനാന്റെ പ്രൊഫൈൽ പിക്ചർ ക്യാമ്പയിൻ ശ്രദ്ധേയമാകുന്നു. ഇന്നലെ മുതൽ ആരംഭിച്ച ക്യാമ്പയിൻ വഴി നിരവധി ആളുകളാണ് തങ്ങളുടെ പ്രൊഫൈൽ പിക്ചർ സ്ഥാനാർത്ഥിയോടൊപ്പം ഉള്ളതാക്കി മാറ്റിയത്. കോൺഗ്രസ് പ്രവർത്തകർക്ക് പുറമെ പൊതുജനവും പ്രൊഫൈൽ പിക്ചർ ക്യാമ്പയിനിൽ പങ്കാളികളാവുകയാണ്. "ഇന്ത്യയ്ക്കായി ബെന്നിക്കൊരു വോട്ട്" എന്നാണ് പ്രൊഫൈൽ പിക്ചറിന് നൽകിയിരിക്കുന്ന ക്യാപ്ഷൻ.

വികസനവും കരുതലും കരുത്താക്കി മാറ്റിയ ചാലക്കുടിയുടെ പ്രിയപ്പെട്ട ബെന്നി ബഹനാൻ്റെ തിരഞ്ഞെടുപ്പ് പ്രചരണാർഥം പുറത്തിറക്കിയിരിക്കുന്ന ഡോക്യുമെൻ്ററിയും ഇതിനോടകം തന്നെ സോഷ്യൽ മീഡിയകളിൽ നിറഞ്ഞു കഴിഞ്ഞു.