കെജ്‌രിവാളിന്റെ അറസ്റ്റിൽ ബിജെപി ഗൂഢാലോചന ; ആം ആദ്മി നേതാവ് സഞ്ജയ് സിങ്

ഡൽഹി മദ്യനയ അഴിമതി കേസിൽ ബിജെപിക്കെതിരെ ഗുരുതര ആരോപണവുമായി ആം ആദ്മി പാർട്ടി നേതാവ് സഞ്ജയ് സിങ്. കെജ്‌രിവാളിന്റെ അറസ്റ്റിനായി ബിജെപിയിലെ ഉന്നത നേതാക്കൾ ഗൂഢാലോചന നടത്തിയെന്നും സഞ്ജയ് സിങ് ആരോപിച്ചു.

കെജ്‌രിവാളിനെതിരെ മൊഴി നൽകാൻ രാഘവ് മകുന്ദയെ പ്രേരിപ്പിച്ചെന്നും പ്രത്യുപകാരമായി രാഘവിന്റെ പിതാവ് മകുന്ദ റെഡ്ഡിക്ക് തെരഞ്ഞെടുപ്പിൽ എൻഡിഎ സീറ്റുനൽകിയെന്നും സഞ്ജയ് ആരോപിച്ചു. ഇഡി ചോദ്യം ചെയ്ത സെപ്റ്റംബർ 16 ന് മുകുന്ദ റെഡ്‌ഡിയെ ചോദ്യം ചെയ്തപ്പോൾ അയാൾ ഇത് സമ്മതിച്ചിരുന്നു.

ചാരിറ്റബിൾ ട്രസ്റ്റിന്റെ ഭൂമിയുമായി ബന്ധപ്പെട്ട് സംസാരിക്കുന്നതിനായി കെജ്‌രിവാളിനെ കണ്ടെന്ന് ആദ്യം മൊഴി നൽകി എന്നാൽ പിന്നീട് മൊഴി മാറ്റി പറഞ്ഞുവെന്നും സഞ്ജയ് ആരോപിക്കുന്നു. ജയിൽ പീഡനത്തെത്തുടർന്നാണ് രാഘവ് കെജ്‌രിവാളിനെതിരെ മൊഴി നൽകിയതെന്നും സഞ്ജയ് സിങ് പറഞ്ഞു.