കുറ്റ്യാടിയില്‍ യുവാവിനെ മർദിച്ച് ബി ജെ പി പ്രവര്‍ത്തകര്‍

കുറ്റ്യാടി: കോഴിക്കോട് കുറ്റ്യാടിയില്‍ യുവാവിനെ ബി ജെ പി പ്രവര്‍ത്തകര്‍ മര്‍ദ്ദിച്ചെന്ന് പരാതി. കാരയാത്തൊടി മുഹമ്മദിനെയാണ് പത്തുപേരടങ്ങുന്ന ബി ജെ പി സംഘം മര്‍ദ്ദിച്ചത്. പരിക്കേറ്റ മുഹമ്മദ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. പതിനാലിന് വൈകീട്ട് മരുതോങ്കര കെ എസ് ഇ ബി ഓഫീസിന് മുമ്പില്‍ നടന്ന ബി ജെ പി ഉപവാസത്തില്‍ പങ്കെടുത്ത പ്രവര്‍ത്തകനോട് മോശമായി പെരുമാറി എന്നാരോപിച്ചായിരുന്നു മര്‍ദ്ദനമെന്നാണ് പരാതി. മുഹമ്മദിന്റെ കാറും ആക്രമികള്‍ അടിച്ചു തകര്‍ത്തിട്ടുണ്ട്. മുഹമ്മദിന്റെ പരാതിയില്‍ കണ്ടാലറിയാവുന്ന 10 പേര്‍ക്കെതിരെ കുറ്റ്യാടി പോലീസ് കേസെടുത്തു.