പാലക്കാട് ആദ്യ റൗണ്ടിൽ ബിജെപിക്ക് ആശങ്ക; ശക്തികേന്ദ്രങ്ങളിൽ ലീഡ് കുറഞ്ഞു

പാലക്കാട്‌: ഉപതെരഞ്ഞെടുപ്പ് വോട്ടെണ്ണൽ പാലക്കാട് പുരോഗമിക്കുന്നു. ബിജെപിക്യാമ്പിന് ആശങ്ക. ആദ്യം വോട്ടെണ്ണുന്ന ബിജെപി ശക്തി കേന്ദ്രങ്ങളിൽ സി കൃഷ്ണകുമാറിന് ലീഡ് നില കുറഞ്ഞു. കഴിഞ്ഞ നിയമസഭാ തിരഞ്ഞെടുപ്പിൽ ബിജെപി സ്ഥാനാർത്ഥിയായി മത്സരിച്ച ഇ ശ്രീധരൻ നേടിയ ലീഡ് നിലനിർത്താൻ കൃഷ്ണകുമാറിന് കഴിഞ്ഞില്ല. ആദ്യ റൗണ്ട് വോട്ടെണ്ണൽ നടക്കുന്ന ബിജെപി ശക്തി കേന്ദ്രങ്ങളിൽ കഴിഞ്ഞതവണ 1500 വോട്ടിന്റെ ലീഡ് ശ്രീധരൻ നേടിയെങ്കിൽ ഇത്തവണ അത് 1,016 ആയി കുറഞ്ഞു. അതേസമയം ബിജെപി സ്വാധീനമേഖലകളിൽ വോട്ട് ഉയർത്താനായത് യുഡിഎഫ് ക്യാമ്പിന് ശുഭപ്രതീക്ഷയാണ് നൽകുന്നത്.