പൊലീസുകാർക്ക് നേരെ ക്രൂര മർദ്ദനം; കാക്കി യൂണിഫോം വലിച്ച് കീറി

തിരുവനന്തപുരം: പൊലീസുകാർക്ക് നേരെ ക്രൂര മർദനം. തിരുവനന്തപുരം ആര്യൻങ്കോട് പൊലീസ് സ്റ്റേഷനിലെ മൂന്ന് പൊലീസുകാർക്കാണ് മർദനമേറ്റത്.ഇന്നലെ വൈകിട്ട് സ്റ്റേഷനിൽ ലഭിച്ച പരാതി അന്വേഷിക്കാനായി പോയപ്പോഴാണ് മൂന്ന് പൊലീസുകാരുടെ കാക്കി യൂണിഫോം വലിച്ച് കീറി ഒരു സംഘം ക്രൂരമായി മർദിച്ചത്. ആര്യങ്കോട് പൊലീസ് സ്റ്റേഷനിലെ സിവിൽ പൊലീസ് ഓഫീസർമാരായ ഗിരീഷ്, അനിൽ കുമാർ, അഭയ്ദേവ് എന്നിവർക്കാണ് ക്രൂര മർദനമേറ്റത്. ഇവരെ ആശുപത്രിയിൽ പ്രവേശിപ്പിച്ചു.