ബിസിനസ് തര്‍ക്കം; എം എസ് ധോണിക്ക് നോട്ടീസ് അയച്ച് ജാര്‍ഖണ്ഡ് ഹൈക്കോടതി

ഇന്ത്യന്‍ മുന്‍ ക്രിക്കറ്റ് താരം മഹേന്ദ്ര സിങ് ധോണി നല്‍കിയ വഞ്ചനാ കേസുമായി ബന്ധപ്പെട്ട് ധോണിക്ക് നോട്ടീസ് അയച്ച് ജാര്‍ഖണ്ഡ് ഹൈക്കോടതി. ധോണിയുടെ മുന്‍ ബിസിനസ് പങ്കാളികളായ മിഹിര്‍ ദിവാകര്‍, സൗമ്യ ദാസ് എന്നിവരുടെ ഹർജിയിലാണ് ജാര്‍ഖണ്ഡ് ഹൈക്കോടതി നോട്ടീസ് അയച്ചത്. ക്രിക്കറ്റ് അക്കാദമി സ്ഥാപിക്കുന്നതുമായി ബന്ധപ്പെട്ടുള്ള കരാറില്‍ 15 കോടി നല്‍കാതെ വഞ്ചിച്ചെന്നാണ് ധോണിയുടെ പരാതി. ധോണിയുടെ പരാതിയില്‍ ആര്‍ക ബിസിനസ് സ്‌പോര്‍ട്‌സ് ഡയറക്ടര്‍മാരായ മിഹിര്‍ ദിവാകര്‍, സൗമ്യ ദാസ് എന്നിവര്‍ക്കെതിരെ ക്രിമിനല്‍ നടപടി സ്വീകരിക്കാന്‍ ജുഡീഷ്യല്‍ മജിസ്‌ട്രേറ്റ് കോടതി ഉത്തരവിട്ടിരുന്നു. ഇതിനെതിരെ ഇരുവരും നല്‍കിയ ഹര്‍ജിയാണ് ജാര്‍ഖണ്ഡ് ഹൈക്കോടതി പരിഗണിക്കുന്നത്.