‘ജാതി സെൻസസ് ജീവിത ലക്ഷ്യം;' രാഹുൽ ഗാന്ധി

ജാതി സെൻസസ് തന്റെ ജീവിത ലക്ഷ്യമെന്ന് രാഹുൽ ഗാന്ധി. കോൺഗ്രസിന്റ വിപ്ലവ തീരുമാനങ്ങളിൽ ഏറ്റവും അവസാനത്തേതാണ് ജാതി സെൻസസെന്നും രാഹുൽ ഗാന്ധി വ്യക്തമാക്കി.

കോൺഗ്രസ് തെരഞ്ഞെടുപ്പ് പത്രികയിൽ മുന്നോട്ടുവെച്ച ജാതി സെൻസസ്, മോദി അടക്കമുള്ള ബിജെപി നേതാക്കൾ വിവാദമാക്കിയ സാഹചര്യത്തിലാണ് രാഹുൽ ഗാന്ധിയുടെ വിശദീകരണം. ദളിത്, ഒബിസി മറ്റ് പിന്നോക്ക വിഭാഗകക്കാർ ഉൾപ്പെടെ രാജ്യത്തെ 90% ആളുകളും അനീതി നേരിടുന്നു. അതിസമ്പന്നരെ സഹായിക്കാൻ മോദി നൽകിയ പണത്തിലെ ചെറിയൊരു പങ്ക് സാധാരണക്കാരായ ആളുകൾക്ക് നൽകുകയാണ് ലക്ഷ്യമെന്നും രാഹുൽ ഗാന്ധി പറഞ്ഞു.

ജാതി സെൻസസ് തന്റെ ജീവിത ലക്ഷ്യമാണെന്നും ആർക്കും അത് തടയാൻ സാധിക്കില്ലെന്നും രാഹുൽ ഗാന്ധി വ്യക്തമാക്കി. രാജ്യത്തിന്റെ എക്സ്റേ എടുക്കണമെന്നാണ് താൻ ആവശ്യപ്പെട്ടത്, രാജ്യസ്നേഹിയെന്ന് അവകാശപ്പെടുന്നവർ എക്സറെയെ ഭയപ്പെടുന്നുവെന്നും അദ്ദേഹം പറഞ്ഞു.