ചംപയ് സോറൻ ജാർഖണ്ഡ് മുഖ്യമന്ത്രിയായി സത്യപ്രതിജ്ഞ ചെയ്തു

ഡല്‍ഹി: ജെഎംഎം നേതാവ് ചംപയ് സോറൻ ജാർഖണ്ഡ് മുഖ്യമന്ത്രിയായി സത്യപ്രതിജ്ഞ ചെയ്തു. ജാര്‍ഖണ്ഡിന്റെ ഏഴാമത്തെ മുഖ്യമന്ത്രി ആണ് ചംപൈ സോറൻ. 10 ദിവസത്തിനുള്ളില്‍ ഭൂരിപക്ഷം തെളിയിക്കണം. ചംപയ് സോറന് കോൺഗ്രസ്‌ ഉൾപ്പടുന്ന സത്യത്തിലെ 48 എംഎല്‍എമാരുടെ പിന്തുണയുണ്ട്. കേന്ദ്ര അന്വേഷണ ഏജൻസികളുടെ സഹായത്തോടെ സഖ്യസർക്കാരിനെ അട്ടിമറിക്കാൻ ബിജെപിയുടെ ശ്രമം അണിയറയില്‍ നടക്കുന്നതിനാല്‍ വരുന്ന ദിവസങ്ങള്‍ നിർണായകമായിരിക്കും എന്ന് തന്നെയാണ് സൂചന. ലോക്സഭ തിരഞ്ഞെടുപ്പ് അടുത്തിരിക്കെ ഭൂമി കുംഭകോണ കേസില്‍ ഹേമന്ത് സോറനെ അപ്രതീക്ഷിതമായി ജുഡീഷ്യല്‍ കസ്റ്റഡിയിലെടുത്തത്തിന് പിന്നാലെ ജാർഖണ്ഡില്‍ ഉടലെടുത്ത അനിശ്ചിതത്വം ഇന്നലെ രാത്രിയോടെയാണ് നീങ്ങിയത്.