ദേവസ്വം മന്ത്രിയുടെ ക്യാമ്പ് ഓഫീസിലേക്ക് ചേലക്കര ബ്ലോക്ക് കോൺഗ്രസ് കമ്മിറ്റിയുടെ പ്രതിഷേധ മാർച്ച്

തൃശൂർ: ശബരിമലയിലെത്തുന്ന അയ്യപ്പഭക്തർക്ക് മതിയായ സൗകര്യങ്ങളൊരുക്കുന്നതിൽ വീഴ്ചവരുത്തിയ ദേവസ്വം വകുപ്പ് മന്ത്രി കെ രാധാകൃഷ്ണന്റെ ചേലക്കരയിലെ ക്യാമ്പ് ഓഫീസിലേക്ക് ചേലക്കര ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ പ്രതിഷേധ മാർച്ച് സംഘടിപ്പിച്ചു. പ്രതിഷേധ മാർച്ച് കെപിസിസി ജനറൽസെക്രട്ടറി അഡ്വ.ഷാനിമോൾ ഉസ്മാൻ ഉദ്ഘാടനം ചെയ്തു ബ്ലോക്ക് കോൺഗ്രസ് കമ്മിറ്റി പ്രസിഡന്റ് പി എം അനീഷ് അധ്യക്ഷത വഹിച്ചു കെപിസിസി സെക്രട്ടറി ബാബുരാജ്, ഡിസിസി ജനറൽ സെക്രട്ടറിമാരായ കെ വി ദാസൻ,ഇ വേണുഗോപാല മേനോൻ, ടി എം കൃഷ്ണൻ, ടി എ രാധാകൃഷ്ണൻ, പി സുലൈമാൻ ടി ഗോപാലകൃഷ്ണൻ, പഞ്ചായത്ത് പ്രസിഡന്റുമാരായ പി കെ മുരളീധരൻ, കെ പത്മജ ടീച്ചർ, മണ്ഡലം പ്രസിഡന്റുമാരായ വിനോദ് പന്തലാടി, കെ പി ഷാജി, എം അയ്യാവു, ജയപ്രകാശ് കെ, കെ ജി സന്തോഷ്, എം ഉദയൻ, അഖിലാഷ് പാഞ്ഞാൾ തുടങ്ങിയവർ നേതൃത്വം നൽകി