സഹകരണ ഓഡിറ്റേഴ്സ് ആൻഡ് ഇൻസ്പക്റ്റേഴ്സ്
അസോസിയേഷൻ ഓഫീസ് ഉ​ദ്ഘാടനം നാലിന്

കൊല്ലം: കേരള കോ ഓപ്പറേറ്റിവ് ഓഡിറ്റേഴ്സ് ആൻഡ് ഇൻസ്പക്റ്റേഴ്സ് അസോസിയേഷൻ കൊല്ലം റീജണൽ ഓഫീസിനു വേണ്ടി ആനന്ദവല്ലീശ്വരത്തു നിർമിച്ച ബഹുനില മന്ദിരം ജൂലൈ നാലിന് എഐസിസി ജനറൽ സെക്രട്ടറി കെ.സി. വേണു​ഗോപാൽ എംപി ഉദ്ഘാടനം ചെയ്യും. രാവിലെ 11.30നു നടക്കുന്ന ചടങ്ങിൽ അസോസിയേഷൻ സംസ്ഥാന പ്രസിഡന്റ് പി.കെ. ജയകൃഷ്ണൻ അധ്യക്ഷത വഹിക്കും.

കൊടിക്കുന്നിൽ സുരേഷ് എംപി, എൻ.കെ. പ്രേമചന്ദ്രൻ എംപി, പി.സി വിഷ്ണുനാഥ് എംഎൽഎ, സി.ആർ. മഹേഷ് എംഎൽഎ, കെപിസിസി രാഷ്ട്രീകാര്യ സമിതി അം​ഗങ്ങളായ ഡോ. ശൂരനാട് രാജശേഖരൻ, അഡ്വ. ബിന്ദു കൃഷ്ണ, ജനറൽ സെക്രട്ടറിമാരായ എം.എം. നസീർ, പഴകുളം മധു, കെ.പി. ശ്രീകുമാർ, യുഡിഎഫ് ജില്ലാ ചെയർമാൻ കെ.സി. രാജൻ, ഡിസിസി പ്രസിഡന്റ് പി.രാജേന്ദ്ര പ്രസാദ്, ഐഎൻടിയുസി പ്രസിഡന്റ് ആർ. ചന്ദ്രശേഖരൻ എന്നിവർ പ്രസം​ഗിക്കും.
അത്യാധുനിക സൗകര്യങ്ങളോടെ നിർമിച്ചിരിക്കുന്ന ഈ മന്ദിരത്തിൽ സഹകരണ വകുപ്പ് റഫറൽ ലൈബ്രറിയും ​ഗവേണണ കേന്ദ്രവും പ്രവർത്തിക്കുമെന്ന് പ്രസിഡന്റ് ജയകൃഷ്ണനും ജനറൽ സെക്രട്ടറി കെ.വി ജയേഷും അറിയിച്ചു.