പരാജയ സാഹചര്യം വിലയിരുത്താൻ സിപിഎം നേതൃയോഗം

തിരുവനന്തപുരം: തെരഞ്ഞെടുപ്പിൽ പരാജയം നേരിടേണ്ടിവന്ന സാഹചര്യം ചർച്ചചെയ്യാൻ സിപിഎം നേതൃയോഗം വിളിക്കുന്നു. വിശദമായ ചർച്ചയ്ക്കായി അഞ്ച് ദിവസത്തെ നേതൃയോഗമാണ് ചേരുന്നത്. മറ്റന്നാൾ ചേരുന്ന യോഗത്തിൽ തെരഞ്ഞെടുപ്പ് ഫലം സംബന്ധിച്ച വിലയിരുത്തലുകൾ നടത്തും. 16, 17 തീയതികളിൽ ആയി സംസ്ഥാന സെക്രട്ടറിയേറ്റും 18, 19, 20 തീയതികളിൽ സംസ്ഥാന സമിതി യോഗവും നടക്കും.

തിരുവനന്തപുരം ഉൾപ്പെടെയുള്ള പലയിടത്തും നിയമസഭാ മണ്ഡലങ്ങളിൽ എൽഡിഎഫ് സ്ഥാനാർത്ഥികളെ മറികടന്ന് ബിജെപി ഒന്നാമതോ രണ്ടാമതോ എത്തിയത് പാർട്ടി നേതൃത്വത്തെ ഞെട്ടിച്ചിട്ടുണ്ട്. മന്ത്രിയായ കെ രാധാകൃഷ്ണൻ ലോക്സഭാ തെരഞ്ഞെടുപ്പിൽ വിജയിച്ചതോടെ മന്ത്രിസഭാ പുനസംഘടന ചർച്ചയും നടക്കും.