മുട്ടുമടക്കി സിപിഎം; രാജ്യസഭാ സീറ്റ് ഘടകകക്ഷികൾക്ക് വിട്ടുനൽകി

തിരുവനന്തപുരം: ഒഴിവ് വന്ന രാജ്യസഭാ സീറ്റുകളിലേക്ക് നടക്കുന്ന തെരഞ്ഞെടുപ്പിൽ ഘടകകക്ഷികൾക്ക് മുൻപിൽ മുട്ടുമടക്കി സിപിഎം. എൽഡിഎഫിന് ലഭിച്ചേക്കാവുന്ന രണ്ടു സീറ്റുകളും ഘടകകക്ഷികൾക്ക് വിട്ടു നൽകിയിരിക്കുകയാണ്. ഒരു സീറ്റ് കേരള കോൺഗ്രസിനും (മാണി വിഭാഗം) രണ്ടാമത്തെ സീറ്റ് സിപിഐക്കുമാണ് നൽകുവാൻ ധാരണ. സീറ്റ് വിഭജനവുമായി ബന്ധപ്പെട്ട് ഇടതുമുന്നണിയിൽ വലിയ തർക്കം നിലനിന്നിരുന്നു. നിരവധി തവണ ചർച്ചകൾ നടന്നെങ്കിലും അതെല്ലാം പരാജയപ്പെടുകയായിരുന്നു. കേരള കോൺഗ്രസും സിപിഐയും സീറ്റിൽ ഉറച്ചു നിന്നതോടെയാണ് സിപിഎമ്മിന് സ്വന്തം രാജ്യസഭാ സീറ്റ് വിട്ടു നൽകേണ്ടി വന്നത്.