20 ൽ 19 ലും കനത്ത തോൽവി : സി പി എം സംസ്ഥാന സമിതി യോഗം ഇന്ന് തുടങ്ങും

20 ൽ 19 ലും കനത്ത തോൽവി : സി പി എം സംസ്ഥാന സമിതി യോഗം ഇന്ന് തുടങ്ങും

തിരുവനന്തപുരം: പാർട്ടിയുടെ നയ സമീപനങ്ങളിൽ പരിശോധന വേണമെന്ന ആവശ്യം മുതിർന്ന നേതാക്കളിൽ നിന്നും ഘടകകക്ഷി നേതാക്കളിൽ നിന്നും ഒരുപോലെ ഉയരുന്നതിനിടെയാണ് സി പി എം സംസ്ഥാന സമിതി യോഗം ചേരുന്നത്.

പാർട്ടി കേഡർമാരുടെ വോട്ട് ചോർന്നതും വലിയൊരു പങ്ക് ബി ജെ പിയിലേക്ക് പോയതും അതീവ ഗുരുതരമായ പ്രശ്നമായാണ് സി പി എം സംസ്ഥാന സെക്രട്ടേറിയറ്റ് വിലയിരുത്തിയത്. ഭരണവിരുദ്ധ വികാരം തോൽവിക്ക് കാരണമായോ എന്നും സംസ്ഥാന സമിതി പരിശോധിക്കും.

തെറ്റുതിരുത്തൽ നടപടികൾക്കുള്ള മാർഗ്ഗരേഖയുടെ കരടും തയ്യാറാക്കും. മൂന്ന് ദിവസത്തെ സംസ്ഥാന സമിതി യോഗത്തിൽ പാർട്ടിയുടേയും സർക്കാരിന്റേയും നിലപാടും ഇടപെടലും ഇഴകീറി പരിശോധിക്കുന്ന ചർച്ചകൾ നടക്കുമെന്നാണ് പ്രതീക്ഷിക്കുന്നത്.