സിദ്ധാർത്ഥന്റെ മരണം; കടുത്ത പ്രതിഷേധവുമായി കോൺഗ്രസ്

മാനന്തവാടി : എസ്‌.എഫ്.ഐ പ്രവർത്തകരുടെ മർദ്ദനത്തെ തുടർന്ന് പൂക്കോട് വെറ്റിനറി സർവകലാശാലയിൽ ജീവനൊടുക്കിയ ജെ. എസ്‌ സിദ്ധാർത്ഥന്റെ നീതിക്കുവേണ്ടി പ്രതിഷേധവുമായി കോൺഗ്രസ് രംഗത്ത്. സർവകലാശാലയുടെ പ്രവേശ കവാടത്തിൽ വെച്ച് പോലീസ് മാർച്ച് തടഞ്ഞതോടെ ബാരിക്കേഡ് തള്ളിമാറ്റാൻ പ്രവർത്തകർ ശ്രമിക്കുകയും തുടർന്ന് സംഘർഷത്തിൽ കലാശിക്കുകയും ചെയ്‌തു .

തുടർന്ന് പ്രവർത്തകർ കൂടി ബാരിക്കേഡിന് പുറത്തു നിന്ന് പ്രതിക്ഷേധിച്ചു.
കോൺഗ്രസ് വയനാട് ജില്ലാ കമ്മിറ്റിഎയുടെ നേതൃത്വത്തിൽ നടന്ന മാർച്ചിൽ ടി. സിദ്ദിഖ്, ഐ. സി ബാലകൃഷ്ണൻ തുടങ്ങിയ മുതിർന്ന നേതാക്കൾ മാർച്ചിന് നേതൃത്വം നൽകി. സിദ്ധാർത്ഥിന്റെ മരണത്തിൽ പ്രതിക്ഷേധിച്ചു ചാണ്ടി ഉമ്മൻ എംഎൽഎ പൂക്കോട് ഉപവാസ സമരം ആരംഭിച്ചു.