സ്‌കൂൾ കോമ്പൗണ്ടിലും പരിസരത്തും യൂണിഫോം വില്പന വിലയ്ക്കി ഡിഇഒയുടെ നിർദ്ദേശം

ഹൈദരാബാദ്: സ്‌കൂൾ കോമ്പൗണ്ടിലും പരിസരത്തും യൂണിഫോം വിൽക്കുന്നതിന് മാനേജ്‌മെൻ്റുകൾക്ക് വിലക്ക്. കുട്ടികളുടെ യൂണിഫോം, ഷൂസ്, ബെൽറ്റ് തുടങ്ങിയവയുടെ വിൽപനയും നിരോധിച്ചു. ഹൈദരാബാദിലാണ് സംഭവം. വ്യാപാരികളുടെ പരാതിയെ തുടർന്നാണ് നടപടി. സ്വകാര്യ സ്കൂളിൽ യൂണിഫോം, ഷൂസ്, മറ്റ് സൗകര്യങ്ങൾ എന്നിവ വിൽക്കുന്നില്ലെന്ന് ഉറപ്പാക്കാൻ ഹൈദരാബാദ് ജില്ലാ വിദ്യാഭ്യാസ ഓഫീസർ (ഡിഇഒ) വെള്ളിയാഴ്ച നഗരത്തിലെ വിദ്യാഭ്യാസ ഓഫീസർമാർക്ക് നിർദ്ദേശം നൽകി.
2024-25 അധ്യയന വർഷത്തേക്ക് ആവശ്യമായ പർച്ചേസുകൾ എല്ലാം സ്വകാര്യ സ്‌കൂളുകളിൽ ചേരുന്ന നിരവധി വിദ്യാർത്ഥികളുടെ രക്ഷിതാക്കൾ ഇതിനകം നടത്തി കഴിഞ്ഞുവെന്നാണ് വസ്തുത. ഒരു സ്വകാര്യ സ്‌കൂൾ മാനേജ്‌മെൻ്റും ഇത്തരം പ്രവര്‍ത്തനങ്ങള്‍ അനുവദിക്കുന്നില്ലെന്ന് ഉറപ്പാക്കാൻ ഹൈദരാബാദ് ഡിഇഒ എല്ലാ ഡെപ്യൂട്ടി വിദ്യാഭ്യാസ ഓഫീസർമാർക്കും സ്‌കൂളുകളുടെ ഡെപ്യൂട്ടി ഇൻസ്‌പെക്ടർമാർക്കും നിർദേശം നൽകി.