ബിജെപിയിൽ അഭിപ്രായ ഭിന്നത; തുടർച്ചയായി ഒരേ സ്ഥാനാർത്ഥി തന്നെ മത്സരരംഗത്ത് വന്നത് ജനങ്ങൾക്കിടയിൽ അതൃപ്തി ഉണ്ടാക്കി: പാലക്കാട് നഗരസഭ അധ്യക്ഷ പ്രമീള ശശിധരൻ

പാലക്കാട്: പാലക്കാട് ബിജെപിക്ക് ഉണ്ടായ കനത്ത തോൽവിക്ക് ശേഷം പ്രതികരണവുമായി നഗരസഭ അധ്യക്ഷ പ്രമീള ശശിധരൻ. തുടർച്ചയായി ഒരേ സ്ഥാനാർത്ഥി തന്നെ മത്സര രംഗത്ത് വന്നത് ജനങ്ങൾക്കിടയിൽ അതൃപ്തി ഉണ്ടാക്കിയതായി അവർ തന്നെ പറഞ്ഞു എന്ന് പാലക്കാട് നഗരസഭ അധ്യക്ഷ പ്രമീള ശശിധരൻ. എന്നാൽ ആ എതിർപ്പിനെ എല്ലാം മറികടന്നാണ് സി കൃഷ്ണകുമാറിനൊപ്പം നിന്നതെന്നും പ്രമീള പറഞ്ഞു

. ബിജെപിയിൽ ഭിന്നത ഇല്ലെന്ന് പറയുമ്പോഴും ഇപ്പോഴുള്ള തുറന്നുപറച്ചിൽ സ്ഥാനാർത്ഥിയോടുള്ള അതൃപ്തി തന്നെയാണ്. നാളെ ബിജെപിയുടെ യോഗം നടക്കാനിരിക്കെയാണ് നഗരസഭ അധ്യക്ഷയുടെ തുറന്നുപറച്ചിൽ. സ്ഥാനാർത്ഥി നിർണയത്തിന് മുൻപ് വരെ അഭിപ്രായങ്ങൾ പറയാം എന്നും എന്നാൽ അതിനുശേഷം എതിർപ്പ് ഉണ്ടെങ്കിൽ പോലും ഒറ്റക്കെട്ടായി പ്രവർത്തിക്കണമെന്നും അതുതന്നെയാണ് പാലക്കാട് ഉണ്ടായതെന്നും നഗരസഭയുടെ ഭാഗത്തുനിന്നും വീഴ്ചയൊന്നും ഉണ്ടായിട്ടില്ലെന്നും പ്രമീള ശശിധരൻ പറഞ്ഞു.