വടക്കൻ കലിഫോർണിയയിൽ ഭൂചലനം

വടക്കൻ കാലിഫോർണിയയിൽ ഭൂചലനം. റിക്ടർ സ്കെയിൽ 7 തീവ്രത രേഖപ്പെടുത്തിയ ഭൂചലനത്തിൽ ആളപായമില്ല. ഇന്ത്യൻ സമയം അർധരാത്രി 12.14ഓടെ ആയിരുന്നു ഭൂചലനം ഉണ്ടായത്. പെട്രോളിയ, സ്കോട്ടിയ, കോബ് എന്നിവയുൾപ്പെടെ വിവിധ പ്രദേശങ്ങളിലും ശക്തമായ ഭൂചലനം രേഖപ്പെടുത്തി. ഏതാനും സമയം ഭൂചലനം നീണ്ടുനിന്നതായും കൂടാതെ ചെറിയ തുടർചലനങ്ങൾ അനുഭവപ്പെട്ടതായും റിപ്പോർട്ടു ചെയ്തു. യുഎസിലെ ദേശീയ സുനാമി കേന്ദ്രം മുന്നറിയിപ്പ് നൽകിയിട്ടുണ്ട്. കാലിഫോർണിയ, ഒറിഗോൺ തീരപ്രദേശങ്ങളിലാണ് സുനാമി മുന്നറിയിപ്പ് നൽകിയിരിക്കുന്നത്.