ജോർദാനിലും സിറിയയിലും ലോസ് ഏഞ്ചൽസിലും ഭൂചലനം

അമ്മാൻ: ജോർദാനിലും സിറിയയിലും അമേരിക്കയിലെ ലോസ് ഏഞ്ചൽസിലും ഭൂചലനം. റിക്ടർ സ്കെയിലിൽ 4.8 തീവ്രത രേഖപ്പെടുത്തിയ ഭൂചലനമാണ് ജോർദാൻ – സിറിയ മേഖലകളിൽ ഉണ്ടായതെന്ന് ജർമ്മൻ റിസർച്ച് സെൻ്റർ ഫോർ ജിയോസയൻസസ് വ്യക്തമാക്കി.

സിറിയയിലുടനീളമുള്ള ജനങ്ങൾക്ക് ഭൂചലനം അനുഭവപ്പെട്ടു. ആളപായമില്ല. ലോസ് ഏഞ്ചൽസിൽ 4.4 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. സമുദ്രനിരപ്പിൽ നിന്ന് 12.1 കിലോമീറ്റർ താഴ്ചയിലാണ് ഭൂചലനത്തിന്റെ പ്രഭവ കേന്ദ്രം. 2023 ഫെബ്രുവരിയിൽ തുർക്കിയിലും സിറിയയിലും വ്യാപകനാശം വരുത്തിയ ഭൂകമ്പത്തിൽ ഇരുപതിനായിരത്തിലധികം ആളുകൾക്ക് ജീവഹാനി സംഭവിച്ചിരുന്നു.