തെരഞ്ഞെടുപ്പ് തീയതികൾ നാളെ പ്രഖ്യാപിക്കും, വാർത്താ സമ്മേളനം നാളെ മൂന്നിന്

ന്യൂഡൽഹി: രാജ്യത്തെ പതിനെട്ടാമതു ലോക്സഭാ തെരഞ്ഞെടുപ്പ് തീയതികൾ നാളെ പ്രഖ്യാപിക്കും. ഇതു സംബന്ധിച്ച് നാളെ ഉച്ച കഴിഞ്ഞു മൂന്നിന് വാർത്താ സമ്മേളനം വിളിച്ചിരിക്കയാണ് തെരഞ്ഞെടുപ്പ് കമ്മിഷൻ. ഇന്നു കമ്മിഷന്റെ സമ്പൂർണ യോ​ഗം ചേർന്നാണ് തീരുമാനമെടുത്തത്. ലോക്സഭാ തെരഞ്ഞെടുപ്പിനൊപ്പം അരുണാചൽ പ്രദേശ്, ഒഡിഷ, ആന്ധ്രപ്രദേശ് എന്നീ നിയമസഭാ തെരഞ്ഞെടുപ്പ് തീയതികളും നാളെ പ്രഖ്യാപിക്കും.