വഫ്രയിൽ എംബസി കോൺസുലാർ സർവീസ് വെള്ളിയാഴ്ച

_{കുവൈറ്റ് സിറ്റി : ഒറ്റപ്പെട്ട മേഖലകളിൽ കഴിയുന്ന ഇൻഡ്യക്കറുടെ സേവനത്തിനായി ഇന്ത്യൻ എംബസി സംഘടിപ്പിക്കുന്ന കോൺസുലാർ സർവീസ് അടുത്ത വെള്ളിയാഴ്ച വഫ്ര കോ ഓപ്പറേറ്റീവ് നു സമീപത്തെ ഫൈസൽ ഫാമിൽ നടക്കും. വഫ്ര ബ്ലോക്ക് 9ൽറോഡ് 500 ലെ ലൈൻ 10 ഫൈസൽ ഫാമിൽ രാവിലെ 9.30 മുതൽ 3.30 വരെയാണ് കോൺസുലർ ക്യാമ്പ് നടക്കുക.}

_{ഓൺലൈൻ ഫോറം പൂരിപ്പിക്കൽ, ഫോട്ടോഗ്രാഫ് അടക്കം പാസ്പോര്ട്ട് പുതുക്കൽ, ബന്ധുത്വ സർട്ടിഫിക്കറ്റ്, ഡ്രൈവിംഗ് ലൈസൻസ് പതിപ്പ്, പവർ ഓഫ് അറ്റോർണി , ഒപ്പ് സാക്ഷ്യപ്പെടുത്തൽ , മറ്റു സാക്ഷ്യ പത്രങ്ങൾ, 18/20 വിശകളിലുള്ളവരുടെ തൊഴിൽ സംബന്ധമായ പരാതികൾ എന്നി സേവനങ്ങൾ കോൺസുലർ സർവീസിൽ ലഭ്യമാവും. കൂടാതെ ഇന്ത്യൻ ഡോക്ടർസ് ഫോറത്തിന്റെ നേതൃത്വത്തിൽ സൗജന്യ വൈദ്യ പരിശോധനയും ലഭ്യമാവും. നിശ്ചിത ഫീസുകൾ ക്യാഷ് ആയി മാത്രമേ സ്വീകരിക്കുകയുള്ളൂ വന്നു എംബസി പത്ര കുറിപ്പിൽ പ്രത്യേകം ഓർമ്മിപ്പിച്ചു.}